ХЭРГИЙН ТАНИЛЦУУЛГА: Н.Ц, Д.О нар нь хүний амь нас хохироох, бие махбодид нь хөнгөн гэмтэл учруулах, танхайрсан хэрэгт холбогдсон. АНХАН ШАТ: Анхан шатны шүүх Н.Ц-ийг цагаатгаж, Д.О-д хүний эрүүл мэндэд хөнгөн хохирол учруулсан гэм буруутайд тооцсон. ДАВЖ ЗААЛДАХ ШАТ: Улсын яллагч анхан шатны шүүхийн шийдвэрийг үндэслэлгүй гэж үзэн гомдол гаргасан. Давж заалдах шатны шүүх анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаалаа. ҮНДЭСЛЭЛ: Анхан шатны шүүх хэргийн бодит байдалтай нийцээгүй, нотлох баримтыг зохих ёсоор үнэлээгүй, хууль хэрэглээний алдаа гаргасан. Шинжээч эмчийн дүгнэлтийг хангалттай үнэлэлт дүгнэлт өгөлгүй орхигдуулсан.