ХЭРГИЙН ТАНИЛЦУУЛГА: Валютын арилжаа эрхэлдэг хувь хүн нь хууран мэхлэх, бодит байдлыг нуух замаар бусдыг төөрөгдөлд оруулж, итгэл урвуулан ашиглаж, их хэмжээний мөнгө залилан авсан хэрэг. АНХАН ШАТ: Шүүгдэгчийг бусдыг хуурч, их хэмжээний хохирол учруулсан гэм буруутайд тооцож, 5 жил 6 сарын хорих ял оногдуулж, 1,096,120,000 төгрөгийн хохирол барагдуулахыг үүрэг болгосон. ДАВЖ ЗААЛДАХ ШАТ: Хохирогч болон шүүгдэгчийн өмгөөлөгч нарын гомдлуудыг үндэслэн, анхан шатны шүүхийн шийдвэрийг хүчингүй болгож, хэргийг нэмэлт мөрдөн шалгах ажиллагаа хийлгүүлэхээр прокурорт буцаасан.
ҮНДЭСЛЭЛ: Мөрдөн шалгах явцад гэмт хэргийн цаг хугацаа, зарцуулалт, оролцогчдын харилцааг бүрэн тогтоогоогүй, шинжээчийн дүгнэлтүүд нь хангалтгүй, хууль зүйн үндэслэлгүй байсан тул хэргийг бүхэлд нь дахин шалгуулах шаардлагатай болсон.