ХЭРГИЙН ТАНИЛЦУУЛГА: Ховор ургамлыг хууль бусаар түүж, худалдахыг завдсан хэрэг. АНХАН ШАТ: Эрүүгийн хуулийн тусгай ангийн 24.8 дугаар зүйлийн 1 дэх хэсэгт заасан гэмт хэрэгт холбогдох шүүгдэгч нарт хорих ял оногдуулахгүйгээр нэг жилийн хугацаагаар тэнсэж, хяналт тавих албадлагын арга хэмжээ авахаар шийдвэрлэв.
ҮНДЭСЛЭЛ: Шүүгдэгч нар нь бүлэглэн зохих зөвшөөрөлгүйгээр ховор ургамал түүж, байгаль экологид хохирол учруулсан нь нотлогдсон. Ургамлын аймагт учирсан хохирлыг экологи-эдийн засгийн үнэлгээг тав дахин нэмэгдүүлсэнтэй тэнцэх хэмжээгээр тооцож, 24.750.000 төгрөгийн хохирлыг шүүгдэгч нараас гаргуулж, Байгаль орчин уур амьсгалын санд оруулж, мөн гэмт хэрэг үйлдсэнээс үүдэлтэй мотоциклийн үнийг хохиролд шилжүүлнэ.