ХЭРГИЙН ТАНИЛЦУУЛГА: Шүүгдэгч нар фэйсбүүк цахим хэрэглээгээр "үхэр зарна" гэсэн худал мэдээлэл цацаж, бусдыг төөрөгдөлд оруулан, нийт 1,650,000 төгрөгийг залилан авч, хохирогчдод хохирол учруулсан.
АНХАН ШАТ: Шүүгдэгч Д.С, Н.Э нарыг залилах гэмт хэрэг үйлдсэнд тооцож, Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар тус бүрийг 500 нэгжтэй тэнцэх хэмжээний төгрөгөөр торгох ял оногдуулж, ялыг 2021 оны 8 дугаар сарын 01-ний дотор төлөхийг үүрэг болгосон.
ҮНДЭСЛЭЛ: Шүүх хэргийг хянан шийдвэрлэхэд хангалттай нотлох баримт цуглуулсан, мөн залилан авсан хохирлоо бүрэн барагдуулсан, гэм буруугаа хүлээн зөвшөрсөн байдлыг харгалзан үзэж, хөнгөрүүлэх нөхцөл байдлыг харгалзан торгох ял оногдуулсан.