ХЭРГИЙН ТАНИЛЦУУЛГА: Шүүгдэгч нь фэйсбүүк дээр "үхрийн мах зарна" гэх худал зар тавьж, хохирогчийг төөрөгдөлд оруулан 1,400,000 төгрөгийг залилан авсан хэрэгт холбогджээ. Шүүгдэгч гэм буруугаа хүлээн зөвшөөрсөн. АНХАН ШАТ: Шүүгдэгчийг Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан залилах гэмт хэрэгт гэм буруутайд тооцож, 1,000,000 төгрөгөөр торгож, уг ялыг 3 сарын хугацаанд хэсэгчлэн төлүүлэхээр шийдвэрлэв. Мөн шүүгдэгчээс 1,400,000 төгрөг гаргуулж хохирогчид олгохоор тогтов.
ҮНДЭСЛЭЛ: Шүүгдэгчийн өөрийн мэдүүлэг, хохирогчийн мэдүүлэг, дансны хуулга зэрэг нотлох баримтуудаар залилах гэмт хэрэг үйлдсэнийг тогтоосон. Эрүүгийн хариуцлагыг хөнгөрүүлэх нөхцөл байдлыг харгалзан торгох ял оногдуулж, хохирол барагдуулах шийдвэр гаргажээ.