ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн этгээд эхнэртээ хандаж, маргалдаад, биед нь хүндэвтэр хохирол учруулсан хэрэг. АНХАН ШАТ: Хүний эрүүл мэндэд хүндэвтэр хохирол учруулсан гэмт хэрэгт тооцож, 800 нэгжээр торгох ял оногдуулсан.
ҮНДЭСЛЭЛ: Хохирогчийн мэдүүлэг, шүүх эмнэлгийн дүгнэлт, яллагдагчийн мэдүүлэг болон бусад нотлох баримтуудаар гэм буруутай нь тогтоогдсон. Эрүүгийн хуулийн тусгай ангийн 11.4 дүгээр зүйлийн 1 дэх хэсэгт заасан гэмт хэргийн шинжийг бүрэн агуулсан. Гэм буруугаа хүлээн зөвшөрсөн, хохирол нөхөн төлсөн, хэргийг хялбаршуулсан журмаар шийдвэрлүүлэх хүсэлт гаргасан зэрэг үндэслэлээр ял оногдуулсан.