ХЭРГИЙН ТАНИЛЦУУЛГА: Согтуугаар эхнэрийнхээ эрүүл мэндэд хүндэвтэр хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.4 дүгээр зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн хэргийг хянан хэлэлцэж, гэм буруутайд тооцон 600,000 төгрөгөөр торгох ял оногдуулсан.
ҮНДЭСЛЭЛ: Шүүгдэгчийн хэргээ хүлээсэн болон хохирогчийн мэдүүлэг, шинжээчийн дүгнэлтээр гэм буруу нь тогтоогдож, эрүүл мэндэд хүндэвтэр хохирол учруулсан нь нотлогдсон. Хохирогч гомдолгүй, нэхэмжлэх зүйлгүй байгааг харгалзан хөнгөлөлттэй ял оногдуулсан.