ХЭРГИЙН ТАНИЛЦУУЛГА: Цагдаагийн албан хаагч нь согтуугаар тээврийн хэрэгсэл жолоодсон зөрчлийн торгуулийн төлбөр нэрээр иргэнээс мөнгө авч, хувийн хэрэгцээндээ ашигласан. АНХАН ШАТ: Албан тушаалаа урвуулан ашигласан гэмт хэрэгт буруутайд тооцон, 2 жилийн хугацаагаар тэнсэж, нийтийн албанд томилогдох эрхийг 2 жилээр хасав.
ҮНДЭСЛЭЛ: Нийтийн албан тушаалтан нь бүрэн эрхээ хууль бусаар ашиглаж, хувийн ашиг хонжоо олсон нь Эрүүгийн хуулийн тусгай ангийн 22.1 дүгээр зүйлийн 1 дэх хэсэгт заасан гэмт хэрэгт хамаарна. Гэм буруугаа хүлээн зөвшөөрч, хохирол нөхөн төлөхөөр илэрхийлсэн байдлыг харгалзан ялыг тэнссэн. Гэмт хэргийн улмаас олсон 250,000 төгрөгийг хураан авч хохирогчид олгохоор шийдвэрлэв.