ХЭРГИЙН ТАНИЛЦУУЛГА: Цагдаагийн албан хаагч нь согтууруулах ундаа хэрэглэсэн жолоочийг шалгаж шийдвэрлүүлэхгүй байх ашиг сонирхлын үүднээс хахууль авсан тохиолдлын талаарх хэрэг. АНХАН ШАТ: Нийтийн албан тушаалтан байдлаа урвуулан ашиглаж, албаны чиг үүргээ хэрэгжүүлээгүйн хариуд 800,000 төгрөгийн хахууль авсан үйлдлийг нь Эрүүгийн хуулийн тусгай ангийн 22.4 дүгээр зүйлийн 4-т заасан гэмт хэрэг гэж үзэн, нийтийн албанд томилогдох эрхийг 3 жилийн хугацаагаар хасч, 10,000,000 төгрөгөөр торгох, мөн хахуульд авсан 800,000 төгрөгийг улсын төсөвт шилжүүлэхээр шийдвэрлэв.
ҮНДЭСЛЭЛ: Гэрчүүдийн мэдүүлэг, баримт нотолгоо, шүүгдэгчийн өөрийн мэдүүлгээр гэм буруутай нь тогтоогдсон. Гэмт хэргийн улмаас учирсан бодит хохирол тогтоогдоогүй. Гэмт хэрэг үйлдсэн хуулийг хөнгөрүүлсэн хуулийг хэрэглэж, ялыг тогтоосон.