ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ хоёр иргэн бие биенээ зодож, нэг нь нөгцөөгийн эрүүл мэндэд хүндэвтэр, нөгөө нь хөнгөн хохирол учруулсан гэмт хэрэгт холбогдсон. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар нэг этгээдийг хүний эрүүл мэндэд хөнгөн хохирол учруулсан, мөн Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар нөгөө этгээдийг хүний эрүүл мэндэд хүндэвтэр хохирол учруулсан гэмт хэрэгт буруутгаж, тус тус мөнгөн торгуулиар шийтгэсэн.
ҮНДЭСЛЭЛ: Шүүгдэгч А.С нь П.Б-ийн эрүүл мэндэд хөнгөн хохирол учруулсан, П.Б нь А.С-ийн эрүүл мэндэд хүндэвтэр хохирол учруулсан нь нотлох баримтуудаар тогтоогдсон. Хохирогчид хоорондоо тохиролцсон, нэхэмжлэлгүй болсон. Шүүхээс гэм буруутай этгээдүүдэд Эрүүгийн хуульд заасан ялыг оногдуулж, торгуулийг хэсэгчлэн төлөхөөр шийдвэрлэсэн.