ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ хоорондоо зодолдож, нэг нь нөгөөдөө эрүүл мэндэд нь хүндэвтэр, нөгөө нь хөнгөн хохирол учруулсан хэрэг. АНХАН ШАТ: Хохирол учруулсан этгээдүүдийг Эрүүгийн хуулийн тусгай ангийн 11.4 дүгээр зүйлийн 1 дэх хэсэг болон 11.6 дугаар зүйлийн 1 дэх хэсэгт зааснаар гэм буруутайд тооцож, торгох ял оногдуулж, учруулсан хохирлыг барагдуулахаар шийдвэрлэсэн.
ҮНДЭСЛЭЛ: Хүний эрүүл мэндэд хүндэвтэр, хөнгөн хохирол учруулсан баримтууд тогтоогдсон. Хохирогчид эвлэрсэн бөгөөд учруулсан хохирлыг барагдуулахаар харилцан тохиролцсон. Гэм буруугаа хүлээн зөвшөөрч, хэргийг хялбаршуулсан журмаар шийдвэрлэхээр болсон.