ХЭРГИЙН ТАНИЛЦУУЛГА: Тээврийн хэрэгслийн жолооч нь явган хүний зохицуулдаггүй гарцаар гарч явсан иргэнийг мөргөж, хүндэвтэр хохирол учруулсан хэрэг. Шүүгдэгч гэм буруугаа хүлээн зөвшөөрсөн. АНХАН ШАТ: Эрүүгийн хуулийн тусгай ангийн 27.10 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцож, 700,000 төгрөгөөр торгох ял оногдуулсан. Торгох ялыг 90 хоногт хэсэгчлэн төлөхөөр тогтоож, хугацаанд нь төлөөгүй тохиолдолд хорих ялаар солихыг мэдэгдсэн.
ҮНДЭСЛЭЛ: Жолооч нь Замын хөдөлгөөний дүрмийн холбогдох заалтыг зөрчсөн нь нотлогдсон. Гэмт хэргийн улмаас учирсан хохирлыг нөхөн төлсөн, тохиолдлын шинжтэй байдлыг харгалзан ялыг хөнгөрүүлсэн.