ХЭРГИЙН ТАНИЛЦУУЛГА: Жолооч нь явган хүний гарцаар гарч байсан зорчигчийг мөргөж хүндэвтэр хохирол учруулсан хэрэг.
АНХАН ШАТ: Автотээврийн хэрэгслийн жолооч нь замын хөдөлгөөний аюулгүй байдлын тухай хууль, дүрмийг зөрчсөнөөс явган зорчигчид хүндэвтэр хохирол учруулсан гэм буруутайд тооцсон. Эрүүгийн хуулийн тусгай ангийн 27.10 дугаар зүйлийн 1 дэх хэсэгт зааснаар 700 нэгжтэй тэнцэх хэмжээний төгрөгөөр торгох ял шийтгэж, төлбөрийг 90 хоногийн хугацаанд хэсэгчлэн төлүүлэхээр тогтоосон.
ҮНДЭСЛЭЛ: Шүүгдэгч гэм буруугаа хүлээн зөвшөөрсөн. Хохирогч хохирлоо барагдуулсан тул нэхэмжлэлгүй болсон. Гэмт хэргийн улмаас учирсан хохирлын хэмжээ, шүүгдэгчийн хувийн байдал, хөнгөвчлөх нөхцөл байдлыг харгалзан оногдуулсан ялыг тогтоосон.