ХЭРГИЙН ТАНИЛЦУУЛГА: Шүүгдэгч согтууруулах ундаа хэрэглэсэн үедээ хохирогчийг архины шилээр цохиж, биед нь хөнгөн хохирол учруулсан үйлдлээр Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогджээ. АНХАН ШАТ: Шүүгдэгчийг гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 450,000 төгрөгөөр торгох ял оногдуулж, хэсэгчлэн төлүүлэхээр шийдвэрлэв.
ҮНДЭСЛЭЛ: Шүүгдэгч үйлдсэн хэргээ хүлээн зөвшөөрсөн, хохирогчтой эвлэрч хохирлыг барагдуулахаар болсон, анх удаа тохиолдлын шинжтэй гэмт хэрэг үйлдсэн зэргийг харгалзан ялыг хөнгөрүүлж, хуульд заасан журмаар хэргийг шийдвэрлэсэн.