ХЭРГИЙН ТАНИЛЦУУЛГА: Архи согтууруулах ундаа хэрэглэсэн үедээ хохирогчийн биед халдаж, хөнгөн хохирол учруулсан байдалтай холбогдуулан Эрүүгийн хуулийн 11.6 дугаар зүйлийн 1 дэх хэсэгт зааснаар яллах дүгнэлт үйлдсэн. Шүүгдэгч өөрийн гэм бурууг хүлээн зөвшөөрч, хохирогчтой эвлэрсэн. АНХАН ШАТ: Шүүгдэгчийг Эрүүгийн хуулийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол учруулсан гэм буруутайд тооцож, 450,000 төгрөгөөр торгох ял оногдуулсан. Торгуулийг 3 сарын хугацаанд хэсэгчлэн төлөхийг зөвшөөрсөн.
ҮНДЭСЛЭЛ: Шүүгдэгчийн үйлдсэн хэрэг нь Эрүүгийн хуулийн 2.3 дугаар зүйлийн 2 дахь хэсэгт заасан санаатай гэмт хэрэгт хамаарна. Шүүгдэгч анх удаа гэмт хэрэг үйлдсэн, хохиролд нөхөн төлбөр барагдуулж, хохирогчтой эвлэрсэн зэрэг хөнгөрүүлэх нөхцөл байдлуудыг харгалзав. Хүндрүүлэх нөхцөл байдал тогтоогдоогүй.