................................. .................................

ПРОГРАМ ХАНГАМЖ ЭЗЭМШИХ ЭРХ

ХУДАЛДАХ, ХУДАЛДАН АВАХ ГЭРЭЭ

….………………. хот Дугаар ……./…/…

Энэхүү Програм хангамж худалдах, худалдан авах гэрээ (цаашид “Гэрээ гэх)-г Нэг талаас ……………… тоот регистрийн дугаартай “…………….” (цаашид “Нийлүүлэгч” гэх), Нөгөө талаас ……………….. тоот регистрийн дугаартай “…………….” (цаашид “Захиалагч” гэх) нар Монгол улсын Иргэний хуулийн холбогдох заалтыг үндэслэн дараах нөхцөлүүдээр харилцан тохиролцож (цаашид хамтад нь “Талууд”, тусад нь “Тал” гэх) энэхүү гэрээг байгуулав.

НЭГ. ГЭРЭЭНД ХЭРЭГЛЭГДЭХ НЭР ТОМЬЁО

• 1. Програм хангамж – ………………………………………………………………………………,
  2. Нийлүүлэгч – Уг програм хангамжийг бүтээсэн, захиалагчийн хүсэлтийн дагуу өөрчлөлтүүдийг оруулж програм хангамжаа нийлүүлж буй ………………………………, цаашид “Гүйцэтгэгч” гэх үгээр орлуулан хэрэглэж болно
  3. Захиалагч - Програм хангамжийг цааш нь бусдад худалдах, түрээслэх, бусад хэлбэрээр захиран зарцуулах бус, харин зөвхөн өөрийн хэрэгцээнд хэрэглэх зорилгоор худалдан авахаар Нийлүүлэгчид захиалга өгсөн эцсийн хэрэглэгч буюу “………………..”
  4. Хэрэглэгч – Системд бүртгэгдсэн, системд хандаж ажиллах захиалагчийн ажилтан,
  5. Програмын алдаа - Програм хангамжийн гүйцэтгэхээр хийгдсэн функцууд, өгөгдлийн тодорхой утганд, ажиллагааны зарим төлөвт эсвэл бүрмөсөн ажиллахгүй байх,
  6. Програмын доголдол -Зарим тохиолдолд програм хангамж хэвийн бус ажиллах,
  7. Техник туслалцаа - Програм хангамжийн ажиллагааг бүрэн хэвийн байлгах зорилгоор Нийлүүлэгчийн зүгээс гүйцэтгэх тусламж, засвар түүнтэй холбоотой үйл ажиллагаа.

ХОЁР. ЕРӨНХИЙ ЗҮЙЛ

• 1. Энэхүү Гэрээнд заасан нөхцөлийн дагуу Нийлүүлэгч нь Програм хангамжийг Захиалагчийн эзэмшилд шилжүүлэн өгч, Захиалагч нь түүнийг хүлээн авч Гэрээний 3.2-т заасан нөхцөлөөр төлбөрийг төлнө.
  2. Энэхүү гэрээний зүйл болох програм хангамжийн ажиллах зарчим, бусад тодорхойлолтыг Гэрээний Хавсралт №1-т заасан байна.
  3. Нийлүүлэгч нь програм хангамжийг захиалагчийн серверт суурилуулж, холбогдох тохиргоо үйлчилгээг хийж, ашиглахад бэлэн болгон хүлээлгэн өгнө
  4. Захиалагч нь Програм хангамжийг бусдад худалдах, түрээслэх, барьцаалах, бусад хэлбэрээр захиран зарцуулахыг хориглох бөгөөд Нийлүүлэгчийн үндэсний хууль тогтоомжоор хамгаалагдсан оюуны өмчид халдахгүй байх үүрэг хүлээнэ.
  5. Дор дурдсан бичиг баримт нь гэрээний хэсэг болно (цаашид “гэрээний бичиг баримт” гэх) Үүнд: Хавсралт №1