ХЭРГИЙН ТАНИЛЦУУЛГА: "Ш" ХХК нь Шударга өрсөлдөөн, хэрэглэгчийн төлөө газрын албан шаардлага, шийтгэврийг хүчин төгөлдөр бусд тооцуулахыг шаардсан. АНХАН ШАТ: Нийслэлийн захиргааны хэргийн шүүх нэхэмжлэлийг бүхэлд нь хэрэгсэхгүй болгосон. Өрсөлдөөний тухай хуулийн 12 дугаар зүйлийн 12.1.10, 27 дугаар зүйлийн 27.1.3-т заасныг үндэслэсэн. ДАВЖ ЗААЛДАХ ШАТ: Нэхэмжлэгч нь шатахууны хомсдол, улсын нөөц, холбогдох тогтоолоос шалтгаалж хязгаарлалт хийсэн, өрсөлдөөнийг хязгаарлах санаагүй байсан гэж гомдол гаргасан.
ҮНДЭСЛЭЛ: Шүүх нэхэмжлэгчийн хязгаарлалттай борлуулалт хийснийг хүлээн зөвшөөрсөн. "Ш" ХХК нь шатахууны талоноор зөвхөн өөрийн карт эзэмшигчдэд худалдаалж, бусад хэрэглэгчдийг ялгаварласан нь Өрсөлдөөний тухай хуулийн 12 дугаар зүйлийн 12.1.10-т заасныг зөрчсөн. Борлуулалт хийж буй аж ахуйн нэгж нь нийтэд ялгаваргүйгээр үйлчлэх ёстой бөгөөд шатахууны нөөц хомсдолтой байсан ч тийнхүү хязгаарлалт тогтоох нь хууль зөрчсөн. Газрын тосны газрын албан бичгээр нөөцийн хомсдол үүсгээгүй байсан. Анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.