ХЭРГИЙН ТАНИЛЦУУЛГА: Нэхэмжлэгч нь гал түймэр гарсан үед хариуцлагагүй байсан гэх үндэслэлээр ногдуулсан сахилгын шийтгэлийг хүчингүй болгуулахаар нэхэмжилжээ. АНХАН ШАТ: Захиргааны хэргийн анхан шатны шүүх нэхэмжлэлийг хангаж, сахилгын шийтгэлийг хүчингүй болгосон. ДАВЖ ЗААЛДАХ ШАТ: Хариуцагч тал анхан шатны шүүхийн шийдвэрийг эс зөвшөөрч гомдол гаргав. Давж заалдах шатны шүүх анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхив.
ҮНДЭСЛЭЛ: Нэхэмжлэгч албан томилолттой байсан, албан үүргээ орлон гүйцэтгэх байсан этгээд албан үүргээ гүйцэтгээгүй, мөн аймгийн Онцгой комиссын хуралд сумын ИТХ-ын даргыг оролцуулах үүрэггүй, нэхэмжлэгчийн буруугаас гал түймэр гарч, хүний амь нас эрсэдсэн нь тогтоогдоогүй тул сахилгын шийтгэл ногдуулах нь хууль тогтоомжид нийцэхгүй байна.