ХЭРГИЙН ТАНИЛЦУУЛГА: Нэхэмжлэгч нь газар ашиглах эрхийн гэрчилгээний регистрийн дугаарыг засуулах, хариуцагчийн газар ашиглах эрхийг нь цуцлах тушаалыг хүчингүй болгуулах шаардлага гаргасан. АНХАН ШАТ: Нэхэмжлэлийн шаардлага бүхэлд нь хангахгүй.
ҮНДЭСЛЭЛ: Газар ашиглах эрхийг нь цуцлах үндэслэл нь Захиргааны ерөнхий хуульд заасан сонсох ажиллагааны дагуу хийгдсэн. Газрын тухай хуулийн холбогдох зүйл заалтыг үндэслэн, нэхэмжлэгч нь гэрээнд заасан зориулалтын дагуу газрыг 2 жил дараалан ашиглаагүй, газрын төлбөрөө хугацаанд нь төлөөгүй тул эрхийг нь цуцалсан нь хуульд нийцсэн. Газар ашиглах эрх хүчингүй болгогдсон тул регистрийн дугаарыг засаж, гэрчилгээг шинэчлэн олгох хуулийн үндэслэлгүй.