ХЭРГИЙН ТАНИЛЦУУЛГА: "ТБХ" ХХК нь Монгол банкны улсын байцаагчийн шийтгэлийг хүчингүй болгуулах шаардлага гаргасан. Банкнаас холбогдох журмын дагуу төлбөр түргэн гүйцэтгэх чадварын зохистой харьцааны шаардлагыг хангаагүй тул шийтгэл оногдуулсан. АНХАН ШАТ: Банкны үйл ажиллагааны зохистой харьцааны шалгуур үзүүлэлтийг тогтоох, хяналт тавих журмын дагуу тохируулга хийхэд төлбөр түргэн гүйцэтгэх чадварын зохистой харьцааг хангаж ажиллаагүй тул Зөрчлийн тухай хуулийн 11.3 дугаар зүйлийн 6-д заасны дагуу 50,000 нэгжээр торгох шийтгэл ногдуулсан нь хуульд нийцсэн байна. ҮНДЭСЛЭЛ: Овернайт зээлийг тодорхойлох, зохистой харьцааг тооцоход журмын дагуу хасах, нэмэх үйлдэл хийгдсэн. Банкны тухай хуулийн 16.1.1, Зөрчлийн тухай хуулийн 11.3.6-г баримтлан шийтгэл ногдуулсан нь үндэслэлтэй. Банк удаа дараа сануулга өгсөн боловч зохистой харьцаа алдагдсан тул гомдлыг бүхэлд нь хэрэгсэхгүй болгосон.