ХЭРГИЙН ТАНИЛЦУУЛГА: "ДКМ" ХХК нь ашигт малтмалын хайгуулын тусгай зөвшөөрлийн хугацаа сунгуулах өргөдлөө хуулийн хугацаанд нь хийгээгүй, байгаль орчны менежментийн төлөвлөгөөг цаг хугацаанд нь батлуулаагүй гэсэн үндэслэлээр хариуцагч АМГТГКХ хүлээн аваагүй эс үйлдлийг хууль бус болохыг тогтоож, өргөдлийг хүлээн авахыг даалгахыг шаардсан. АНХАН ШАТ: Нэхэмжлэгч "ДКМ" ХХК-ийн нэхэмжлэлийн шаардлагыг хангаж, АМГТГКХ-д ашигт малтмалын хайгуулын XV-018327 дугаар тусгай зөвшөөрлийн хугацааг сунгуулахаар гаргасан өргөдлийг хүлээн аваагүй эс үйлдэхүйг хууль бус болохыг тогтоож, өргөдлийг хүлээн авахыг даалгажээ.
ҮНДЭСЛЭЛ: Ашигт малтмалын тухай хуулийн 22.1-д заасан хугацаанд өргөдөл гаргах хуулийн зохицуулалт нь тусгай зөвшөөрөл эзэмшигчийн үүрэг бөгөөд төрийн захиргааны байгууллага нь хүндэтгэн үзэх шалтгаантайгаар хугацаа хэтрүүлсэн өргөдлийг хүлээн авахгүй байх зохицуулалт хуульд тусгаагүй байна. Байгаль орчны менежментийн төлөвлөгөөг оройтож баталсан нь нэхэмжлэгчээс шалтгаалахгүй бөгөөд тус компани нь хуульд заасан хугацааг хэтрүүлэлгүй, хүндэтгэн үзэх шалтгаантайгаар өргөдөл гаргасан гэж үзжээ.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух