ХЭРГИЙН ТАНИЛЦУУЛГА: Ашигт малтмалын хайгуулын тусгай зөвшөөрлийн хугацаа дууссан бүртгэлийг хүчингүй болгож, ашиглалтын тусгай зөвшөөрөл олгох хүсэлтийг шийдвэрлэхийг хариуцагчид даалгахыг нэхэмжлэгч шаарджээ. АНХАН ШАТ: Нэхэмжлэлийн бүх шаардлагыг хэрэгсэхгүй болгожээ.
ҮНДЭСЛЭЛ: Тусгай зөвшөөрлийг сэргээсэн шийдвэрт заасан хугацаа нь хуульд заасан шаардлагад нийцээгүй, хайгуулын ажлын үр дүнг хэлэлцүүлэх, нөөц бүртгүүлэх, ашиглалтын тусгай зөвшөөрөл хүсэх эрхийг нь хязгаарласан байна. Гэсэн ч нэхэмжлэгч нь ашиглалтын тусгай зөвшөөрөл хүссэн өргөдөл гаргаагүй, хариуцагч нь хуулийн дагуу шийдвэрлэх боломжгүй байна.