ХЭРГИЙН ТАНИЛЦУУЛГА: Иргэн газраа улсын тусгай хэрэгцээнд авсан улмаас газар эзэмших эрхээ цуцлуулсан шийдвэрийг эс зөвшөөрч, хууль бус болохыг тогтоолгон, нөхөх олговортойгоор өөр газарт шилжүүлэн авах гэрээ байгуулахыг шаардсан. АНХАН ШАТ: Сумын Засаг даргын газар эзэмших эрхийг цуцалсан захирамжийг хүчингүй болгож, нөхөх олговортойгоор өөр газарт шилжүүлэн авах гэрээ байгуулахыг Засаг даргад даалгасан.
ҮНДЭСЛЭЛ: Захиргааны байгууллагаас иргэний эрх, ашиг сонирхлыг хөндсөн шийдвэр гаргахдаа хуульд заасан журмыг (мэдэгдэх, сонсох) зөрчсөн, газар нь улсын тусгай хэрэгцээнд авсан хэдий ч нэхэмжлэгчийг газрын төлбөр төлөөгүй гэж буруутгах үндэслэлгүй, нөхөх олговортойгоор солих гэрээ байгуулаагүй эс үйлдэхүй нь хууль бус байсан гэж шүүх тогтоосон.