ХЭРГИЙН ТАНИЛЦУУЛГА: Н ХХК нь татварын улсын байцаагчийн оногдуулсан 2,877,645,747 төгрөгийн нөхөн татварыг эсэргүүцэж, Эдийн засгийн ил тод байдлыг дэмжих тухай хуулийн хүрээнд хамгаалалттай гэж үзсэн. Хариуцагч нь Н ХХК-ийн 2014 оны тайлагнаагүй борлуулалтын орлогоос хамааралтай худалдан авалтын НӨАТ-ын хасалт хийхдээ холбогдох хуулийн заалтыг зөрчсөн гэж үзсэн. АНХАН ШАТ: Татварын улсын байцаагчийн шийтгэлийг хүчингүй болгуулах тухай Н ХХК-ийн гомдлыг бүхэлд нь хэрэгсэхгүй болгосон.
ҮНДЭСЛЭЛ: Компани нь ил болгосон орлогоос үүссэн нэмэгдсэн өртгийн албан татварыг хасаж тооцсон нь "Эдийн засгийн ил тод байдлыг дэмжих тухай хууль"-ийн 6.3-т заасныг зөрчсөн. Мөн "Нэмэгдсэн өртгийн албан татварын тухай хууль"-ийн 14.7-д заасан үйлдвэрлэл, үйлчилгээний зориулалтаас шалтгаалсан худалдан авалтаас хасалт хийх журмыг зөрчсөн тул компанийн гомдлыг хангаагүй.