ХЭРГИЙН ТАНИЛЦУУЛГА: Компанийн хайгуулын тусгай зөвшөөрлийн хугацааг дуусгавар болгосон бүртгэлийг хүчингүй болгож, хугацаа сунгуулах өргөдлийг хүлээж авахыг шаардсан. Компанийн захирал нь эрүүл мэндийн шалтгаанаар хугацаанд нь бүрдэл дутуу өргөдөл гаргасан. АНХАН ШАТ: Компанийн тусгай зөвшөөрлийн хугацааг дуусгавар болгосон бүртгэл болон хугацаа сунгах тухай шийдвэрийг захиргааны байгууллагаас дахин шинэ акт гартал 3 сарын хугацаагаар түдгэлзүүлж, улсын орлогод төвлөрсөн төлбөрийг нэхэмжлэгчид буцаан олгох шийдвэрлэв.
ҮНДЭСЛЭЛ: Хуульд заасан баримт бичгийг бүрдүүлж өгөөгүй, хүндэтгэн үзэх шалтгааны улмаас хугацаанд нь өргөдөл гаргаж чадаагүй нөхцөл байдлыг харгалзан Захиргааны ерөнхий хуулийн дагуу захиргааны актад гомдол гаргах хугацаа хэтэрсэн ч нөхцөл байдал өөрчлөгдсөн тохиолдолд захиргааны акт гаргах ажиллагааг дахин явуулах боломжтойг шүүх тогтоосон.