ХЭРГИЙН ТАНИЛЦУУЛГА: Иргэн тарвага агнасан зөрчилд холбогдож, улсын байцаагчаас шийтгэл, нөхөн төлбөр ногдуулсан. Түүнийг зөрчлийн хуулийн өөр зүйлчлэлтээр шийтгэх, шийтгэлийг бууруулах шаардлагатай гэсэн прокурорын гомдлыг хянан хэлэлцэв.
АНХАН ШАТ: Иргэн хууль тогтоомжоор хориглосон хугацаанд тарвага агнасан болох нь тогтоогдож, Зөрчлийн тухай хуулийн 7.6 дугаар зүйлийн 1.3-т заасныг баримтлан ногдуулсан шийтгэл нь нөхцөл байдал, шударга ёсны зарчимд нийцээгүй байна.
ҮНДЭСЛЭЛ: Тарвага агнахыг хориглосон хугацаанд иргэн тарвага агнасан үйлдэлд Зөрчлийн тухай хуулийн 7.6 дугаар зүйлийн 4-т заасан хариуцлага оногдуулах нь зүйтэй. Шүүх оногдуулсан шийтгэлийг нэмэгдүүлэх боломжгүй тул улсын байцаагчийн шийтгэлийг нэг сар түдгэлзүүлж, дахин шинэ акт гаргахыг үүрэв. Дахин акт гаргаагүй тохиолдолд шийтгэл хүчингүй болохыг мэдэгдэв.