ХЭРГИЙН ТАНИЛЦУУЛГА: Компанийн татвар ногдуулж төлөөгүй, хуурамч баримт ашиглан татвар ногдох орлогыг бууруулсан зөрчлийг илрүүлж шийтгэл ногдуулсан нь үндэслэлгүй гэж үзэн, шийтгэлийг хүчингүй болгуулахаар гаргасан гомдлыг хянан хэлэлцсэн. АНХАН ШАТ: Компанийн гаргасан гомдлыг бүхэлд нь хэрэгсэхгүй болгосон.
ҮНДЭСЛЭЛ: Компани нь хуурамч баримт ашиглан нийт 131.134.727.73 төгрөгийн худалдан авалт хийсэн мэтээр НӨАТ-ын тайланд тусгаж, ногдох орлогыг бууруулсан нь "Эдийн засгийн ил тод байдлыг дэмжих тухай" хуулийн 6.3-т заасныг зөрчсөн байна. Уг хуулиар татвар ногдох орлогыг бууруулдаг зардал, худалдан авалтыг тайлагнахыг хориглосон. Мөн орлогыг бууруулсан гэх үндэслэлээр алдагдлыг бууруулж, татвар ногдуулж төлөөгүй зөрчлийг давхар тогтоосон.