ХЭРГИЙН ТАНИЛЦУУЛГА: Нэхэмжлэгч нь өөрийн ашиглаж буй газартай давхцсан газрыг "Х б" ХХК-д олгосон захиргааны актыг хүчингүй болгуулах, орц, гарцын асуудлыг шийдвэрлэхийг шаардсан. "Х б" ХХК нь мөн давхцалтай хэсгийг хүчингүй болгуулах бие даасан шаардлага гаргасан. АНХАН ШАТ: Шүүх захиргааны актуудын зарим хэсгийг 3 сар хүртэл түдгэлзүүлж, хариуцагчаас шинэ акт гаргахыг даалгасан. Хэрэв шинэ акт гаргахгүй бол түдгэлзүүлсэн хэсэг хүчингүй болохыг мэдэгдсэн.
ҮНДЭСЛЭЛ: Богдхан уулын дархан цаазат газрын хязгаарлалтын бүсэд газар ашиглах шийдвэр нь Тусгай хамгаалалттай газар нутгийн тухай хуулийн 36.2-т заасан журмыг зөрчсөн, давхцал үүссэн, нэхэмжлэгчийн ашиглаж буй газарт зориулалтын дагуу ашиглах боломжгүй байдал тогтоогдсон. Гэсэн хэдий ч анх олгосон эрхийг бүрэн үгүйсгэх боломжгүй тул шүүхээс актыг түдгэлзүүлж, дахин шийдвэрлүүлэхээр тогтоосон.