ХЭРГИЙН ТАНИЛЦУУЛГА: Компанийн эзэмшиж буй газрыг сумын Засаг даргын захирамжаар хүчингүй болгосон нь хууль бус болохыг тогтоолгох нэхэмжлэлийг компани гаргав. АНХАН ШАТ: Хэргийн оролцогчид эвлэрч, компани 10% газрыг буцаан шилжүүлж, Засаг дарга үлдсэн газрыг нь эзэмшүүлэхээр тохиролцов. Шүүх эвлэрлийг баталж, хэргийг хэрэгсэхгүй болгов.
ҮНДЭСЛЭЛ: Захиргааны хэрэг шүүхэд хянан шийдвэрлэх тухай хуулийн дагуу эвлэрлийн гэрээ нь хуульд харшлаагүй, бусдын эрхийг хөндөөгүй тул батлах үндэстэй. Улсын тэмдэгтийн хураамжийг буцаан олгохгүй.