ХЭРГИЙН ТАНИЛЦУУЛГА: Иргэн сонгуульд нэр дэвшигчээр бүртгүүлэхэд шаардлагатай баримт бичиг дутуу гэсэн үндэслэлээр сонгуулийн хорооноос нэр дэвшүүлэхээс татгалзсан шийдвэрийг эсэргүүцэн, нэр дэвшигчээр бүртгэхийг даалгах тухай нэхэмжлэл гаргасан. Хариуцагч тал нь нэр дэвшигчээс баримт бичгийг хуулийн хугацаанд бүрэн ирүүлээгүй гэж тайлбарласан. АНХАН ШАТ: Нэхэмжлэлийг хангаж, сонгуулийн хорооны тогтоолыг хүчингүй болгон нэр дэвшигчээр бүртгэхийг даалгасан.
ҮНДЭСЛЭЛ: Хуульд зааснаар нэр дэвшүүлсэн нам нь шаардлагатай баримт бичгийг бүрдүүлэн ирүүлэх бөгөөд, сонгуулийн хороо нь шаардлагатай гэж үзвэл эрх бүхий байгууллагаас нэр дэвшигчийн талаарх лавлагааг үнэ төлбөргүй гаргуулан авах эрхтэй. Сонгуулийн хороо нь нэр дэвшигчийн ирүүлээгүй баримт бичгийг өөрөө бүрдүүлэх үүрэггүй. Нэхэмжлэгчээс хуульд заасан шаардлагатай баримт бичгийг бүрэн ирүүлсэн байхад, сонгуулийн хороо нь нэр дэвшигчийн өр төлбөргүйг нотлох шүүхийн шийдвэр гүйцэтгэх газрын тодорхойлолтыг шаардаж, улмаар баримт бичиг дутуу гэсэн үндэслэлээр нэр дэвшүүлэхээс татгалзсан нь хуульд нийцээгүй. Иргэний сонгох, сонгогдох эрхийг хууль бусаар хязгаарлахыг хориглоно.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух