ХЭРГИЙН ТАНИЛЦУУЛГА: Нэхэмжлэгч нь байгаль орчны сайдын тушаалаар газар эзэмших эрхийг нь цуцалсан байдлыг хууль бус болохыг тогтоож, хүчингүй болгуулахаар нэхэмжлэл гаргасан. АНХАН ШАТ: Нэхэмжлэгч нь хэргийн явцад нэхэмжлэлийн шаардлагаас бүхэлд нь татгалзсан хүсэлт гаргасан тул хэргийг хэрэгсэхгүй болгосон.
ҮНДЭСЛЭЛ: Захиргааны хэрэг шүүхэд хянан шийдвэрлэх тухай хуулийн дагуу нэхэмжлэгч нь хэрэг хянан шийдвэрлэх ажиллагааны аль ч үе шатанд нэхэмжлэлээсээ татгалзах эрхтэй. Нэхэмжлэгч нь эрх зүйн үр дагаврыг ойлгож, сайн дураараа татгалзсан гэж шүүх үзсэн. Нэхэмжлэлээсээ татгалзсан этгээд уг асуудлаар дахин нэхэмжлэл гаргах эрхээ алдана.