ХЭРГИЙН ТАНИЛЦУУЛГА: Татварын улсын байцаагч нь эрх бүхий албан тушаалтны шийтгэл оногдуулсан шийдвэрийг өөрчлүүлэх тухай прокурорын дүгнэлт болон шийтгэлийн хуудсыг хүлээн авч, шийтгэлийн хуудсанд өөрчлөлт оруулахыг зөвшөөрчээ.
АНХАН ШАТ: Захиргааны хэрэг шүүхэд хянан шийдвэрлэх тухай хуулийн 67.1-д заасны дагуу хариуцагч прокурорын дүгнэлтийг хүлээн зөвшөөрснийг баталж, хэргийг хэрэгсэхгүй болгожээ.
ҮНДЭСЛЭЛ: Хариуцагч прокурорын дүгнэлтийг хүлээн зөвшөөрсөн нь бусдын эрх, хууль ёсны ашиг сонирхлыг хөндөөгүй, хуульд харшлаагүй бол хэргийг хэрэгсэхгүй болгох үндэслэлтэй. Шүүгчийн захирамжийг сайн дураараа биелүүлээгүй тохиолдолд албадан биелүүлэх боломжтой.