ХЭРГИЙН ТАНИЛЦУУЛГА: Нийгмийн даатгалын байцаагч зөрчил шалган шийтгэл ногдуулсан байна. Байцаагч нь албан журмын нийгмийн даатгалд хамрагдаагүй ажил олгогчийг Зөрчлийн тухай хуулийн 10.17 дугаар зүйлийн 1-д зааснаар торгож шийдвэрлэсэн. Гэвч шийтгэлийн хуудсанд хуулийн этгээдийн оронд иргэний нэр бичигдсэн тул прокурор өөрчлөлт оруулахаар дүгнэлт гаргажээ. Байцаагч прокурорын дүгнэлтийг хүлээн зөвшөөрч, алдааг залруулахыг хүссэн. АНХАН ШАТ: Хариуцагч байцаагчийн зөвшөөрлийг шүүх хүлээн авч, бусдын эрхийг хөндөөгүй, хуульд харшлаагүй тул хэргийг хэрэгсэхгүй болгосон. ҮНДЭСЛЭЛ: Захиргааны хэрэг шүүхэд хянан шийдвэрлэх тухай хуулийн 67.1-д хариуцагч нэхэмжлэлийн шаардлагыг бүхэлд нь хүлээн зөвшөөрсөн тохиолдолд хэргийг хэрэгсэхгүй болгоно гэж заасныг баримтлав.