ХЭРГИЙН ТАНИЛЦУУЛГА: Зөрчлийн тухай хуулийн 5.13 дугаар зүйлийн 2 дахь хэсгийг үндэслэн оногдуулсан торгох шийтгэл нь хуульд заасан журмыг зөрчсөн тул хүчингүй болгуулах тухай прокурорын дүгнэлт. АНХАН ШАТ: Зөрчлийн хэргийг хялбаршуулсан журмаар шийдвэрлэсэн нь хууль зөрчсөн гэж үзэж, хариуцагч байцаагчийн шийтгэлийг хүчингүй болгуулах прокурорын гомдлыг хариуцагч хүлээн зөвшөөрснийг баталж, хэргийг хэрэгсэхгүй болгосон.
ҮНДЭСЛЭЛ: Зөрчлийг шалгахдаа Зөрчлийн тухай хуулийн тусгай журмыг баримтлаагүй, Зөрчил шалган шийдвэрлэх тухай хуулийн 9.1 дүгээр зүйлийн 7 дахь хэсэгт заасан шийдвэрийн аль нэгийг гаргаагүй, харин хялбаршуулсан журмаар шийдвэрлэсэн нь хуулийг зөрчсөн. Захиргааны хэрэг шүүхэд хянан шийдвэрлэх тухай хуулийн 67.1-д заасны дагуу хариуцагч шаардлагыг хүлээн зөвшөөрсөн нь бусдын эрхийг хөндөөгүй, хуульд харшлаагүй тул хэргийг хэрэгсэхгүй болгосон.