ХЭРГИЙН ТАНИЛЦУУЛГА: Ашигт малтмалын тусгай зөвшөөрлийн хугацаа сунгах хүсэлтийг шийдвэрлээгүй хариуцагчийн эс үйлдэхүйг хууль бус болохыг тогтоож, нэхэмжлэгчийн хүсэлтийг шийдвэрлэхийг даалгах тухай. АНХАН ШАТ: Хариуцагчийн эс үйлдэхүйг хууль бус болохыг тогтоож, нэхэмжлэгчийн хайгуулын тусгай зөвшөөрлийн хугацаа сунгах өргөдлийг хүлээн авч, хуульд нийцүүлэн шийдвэрлэхийг хариуцагчид даалгасан.
ҮНДЭСЛЭЛ: Нэхэмжлэгчийн гүйцэтгэх захирал цар тахлын улмаас хүндээр өвдсөн нь хүндэтгэн үзэх шалтгаан болсон бөгөөд энэ нөхцөл байдлыг харгалзан хугацаа хэтрүүлсэн ч хүсэлтийг шийдвэрлэх ёстой. Хариуцагч нь нөхцөл байдлыг тогтоож, нотлох баримтыг үнэлэх үүргээ биелүүлэлгүйгээр идэвхгүй байдал гаргасан нь хууль бус.