ХЭРГИЙН ТАНИЛЦУУЛГА: Иргэний улсын бүртгэлд тогтоосон хугацаанд бүртгүүлээгүй зөрчлийг тогтоосон шийтгэлийн хуудсанд прокурор өөрчлөлт оруулах дүгнэлт гаргасан. Хариуцагч улсын байцаагч прокурорын дүгнэлтийг хүлээн зөвшөөрсөн. АНХАН ШАТ: Хариуцагч нэхэмжлэлийн шаардлагыг бүхэлд нь хүлээн зөвшөөрсөн, энэ нь бусад этгээдийн эрх, хууль ёсны ашиг сонирхлыг хөндөөгүй, хуульд харшлаагүй тул хэргийг хэрэгсэхгүй болгосон.
ҮНДЭСЛЭЛ: Захиргааны хэрэг шүүхэд хянан шийдвэрлэх тухай хуулийн 67.1-д заасны дагуу хариуцагч нэхэмжлэлийн шаардлагыг хүлээн зөвшөөрсөн бол шүүх зөвшөөрлийг баталж, хэргийг хэрэгсэхгүй болгоно. Прокурорын дүгнэлтийг хариуцагч хүлээн зөвшөөрч, энэ нь хуульд харшлаагүй.