ХЭРГИЙН ТАНИЛЦУУЛГА: Нэхэмжлэгч нь хариуцагчдаас зээлийн гэрээний үүрэгт 24,480,000 төгрөг гаргуулах шаардлага гаргасан. АНХАН ШАТ: Хариуцагч нараас 22,725,000 төгрөгийг гаргуулж, нэхэмжлэлийн зарим хэсгийг хэрэгсэхгүй болгож шийдвэрлэсэн. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч нь хүндэтгэн үзэх шалтгаангүйгээр шүүх хуралдаанд оролцоогүй гэж дүгнэн, эзгүйд хэргийг хянан шийдвэрлэсэн нь хууль ёс, үндэслэлгүй гэж гомдол гаргасан. ҮНДЭСЛЭЛ: Хариуцагчийн итгэмжлэгдсэн төлөөлөгчийн шүүх хуралдаанд оролцох боломжгүй байсан тухай нотлох баримтыг шүүхэд гаргаж өгөөгүй тул хүндэтгэн үзэх шалтгаангүйгээр оролцоогүй гэж үзэн, анхан шатны шүүхийн шийдвэрийг хэвээр үлдээж, гомдлыг хангахгүй орхисон.