ХЭРГИЙН ТАНИЛЦУУЛГА: Ажилгүй байсан хугацааны цалин гаргуулж, нийгмийн болон эрүүл мэндийн даатгалын дэвтэрт нөхөн бичилт хийлгүүлэх тухай нэхэмжлэл. АНХАН ШАТ: Ажилгүй байсан хугацааны дундаж цалин хөлстэй тэнцэх олговор гаргуулж, нийгмийн болон эрүүл мэндийн даатгалын дэвтэрт нөхөн бичилт хийлгүүлэхийг хариуцагч байгууллагад даалгаж шийдвэрлэсэн. ДАВЖ ЗААЛДАХ ШАТ: Хариуцагч нь шүүхийн шийдвэр хүчин төгөлдөр болсон ч нэхэмжлэгчийг ажлаас халах тушаалыг хүчингүй болгож, ажлаас эгүүлэн тогтоосон тухай тушаал гаргасан боловч нэхэмжлэгчид гардуулаагүй, нэхэмжлэгч ажилдаа эргэн ороогүй, ажилд эргэн орох шаардлага тавиагүй гэж гомдол гаргасан. ҮНДЭСЛЭЛ: Шүүхийн шийдвэр хүчин төгөлдөр болсон ч хариуцагч байгууллага шүүхийн шийдвэрийг биелүүлээгүй, нэхэмжлэгчийн хөдөлмөрлөх эрхийн зөрчил арилгаагүй тул анхан шатны шүүхийн шийдвэрийг хэвээр үлдээсэн.