ХЭРГИЙН ТАНИЛЦУУЛГА: Нэхэмжлэгч нь тодорхой хугацаанд малчнаар ажилласан байдлаа тогтоолгохоор нэхэмжилсэн. Үүнд зохиогдсон хөдөлмөрийн дэвтэр болон цалингийн маягтыг нотлох баримт болгон ирүүлсэн. АНХАН ШАТ: Нэхэмжлэлийг ханган шийдвэрлэсэн.
ҮНДЭСЛЭЛ: Нэхэмжлэгчийн ирүүлсэн архивын лавлагаа, цалингийн цэс зэрэг баримтууд нь тухайн хугацаанд нэхэмжлэгч малчнаар ажилласныг нотолсон. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасны дагуу ажилласан байдлыг тогтоох эрх зүйн үндэслэлтэй. Энэхүү тогтоосон байдал нь нийгмийн даатгалын сангаас тэтгэвэр, тэтгэмж тогтоолгоход ач холбогдолтой.