ХЭРГИЙН ТАНИЛЦУУЛГА: Гэрлэлт цуцлуулах, хүүхдийг асрамжид үлдээх, хүүхдийн тэтгэлэг тогтоох асуудлаарх иргэний хэргийн маргаан. АНХАН ШАТ: Гэр бүлийн тухай хуулийн холбогдох зүйл заалтыг үндэслэн гэрлэлтийг цуцлах, хүүхдийг эх асрамжид үлдээх, эцэгээс хүүхдийн тэтгэлэг гаргуулах, эд хөрөнгийн маргаангүй болохыг тогтоож, улсын тэмдэгтийн хураамж ногдуулсан.
ҮНДЭСЛЭЛ: Гэрлэлт цуцлах, хүүхдийг эхэд асруулах, эцэгээс хүүхдийн тэтгэлэг гаргуулах нь Гэр бүлийн тухай хуулийн зохицуулалттай нийцнэ. Эцэг, эхийн хүүхдээ хүмүүжүүлэх, хамгаалах үүрэг гэрлэлт цуцлагдсан ч хэвээр үлдэнэ. Хүүхдийн тэтгэлэг нь амьжиргааны доод түвшний хэмжээгээр тогтоогдоно. Шүүхийн шийдвэр хэдийд хүчин төгөлдөр болох, давж заалдах эрхтэй болох талаар заасан.