ХЭРГИЙН ТАНИЛЦУУЛГА: Охин төрсөн биологийн эцгийг тогтоох, хүүхдийн тэтгэлэг гаргуулах тухай нэхэмжлэл. АНХАН ШАТ: Гэр бүлийн тухай хуулийн 23.1-д заасны дагуу охин төрсөн биологийн эцгийг тогтоож, 40.1.1, 40.1.2-т заасны дагуу амьжиргааны доод түвшний хэмжээгээр эцгээр сар бүр хүүхдээ тэжээн тэтгүүлэхээр шийдвэрлэжээ.
ҮНДЭСЛЭЛ: Гэр бүлийн тухай хуулийн 40.2-т зааснаар цалин хөлснөөс өөр орлогогүй хариуцагчаас гаргуулах хүүхдийн тэтгэлгийн хэмжээ нь сарын цалин хөлс, түүнтэй адилтгах орлогын 50 хувиас хэтрэхгүй байх, 38.5-д зааснаар тэтгэлгийг хүүхдийн хэрэгцээнд захиран зарцуулах, 26.1, 26.2-т заасны дагуу эцэг эхийн үүрэг хэвээр үлдсэн, 26.4, 26.6-д заасны дагуу эцгийн үүргээ биелүүлэхийг даалгасан. Мөн Иргэний хэрэг шүүхэд хянан шийдвэрлэх тухай хуулийн дагуу улсын тэмдэгтийн хураамжийг гаргуулж, шийдвэр хүчин төгөлдөр болох, давж заалдах эрхийг тус тус заасан.