ХЭРГИЙН ТАНИЛЦУУЛГА: Нэхэмжлэгч нь хариуцагчаас овьёосны үнэ болох 1,800,000 төгрөг гаргуулахаар шаардлага гаргасан. АНХАН ШАТ: Зохигчид эвлэрлийн гэрээ байгуулж, нэхэмжлэгч 800,000 төгрөгөөс татгалзаж, хариуцагч 1,000,000 төгрөгийг тодорхой хугацаанд төлөхөөр болж, уг эвлэрлийг шүүх баталж, хэргийг хэрэгсэхгүй болгосон.
ҮНДЭСЛЭЛ: Шүүх нь Иргэний хэрэг шүүхэд хянан шийдвэрлэх тухай хуулийн 106.5-д заасны дагуу талуудын эвлэрлийг баталж, хэргийг хэрэгсэхгүй болгох нь зүйтэй гэж дүгнэсэн. Зохигчид эвлэрлийн гэрээндээ харилцан тохиролцсон нөхцөл нь бусдын эрх, хуулиар хамгаалагдсан ашиг сонирхлыг хөндөөгүй, хуульд харшлаагүй байсан.