ХЭРГИЙН ТАНИЛЦУУЛГА: Иргэн ажиллаж байсан байдлаа тогтоолгох тухай нэхэмжлэл гаргасан. Тухайлбал, 1988-1992 онд Сүхбаатар аймгийн Нэгдэл дундын үйлдвэрт авто засварчнаар, 1992-1994 онд Хөдөө аж ахуйн даатгалын салбарт аж ахуйн сахиулаар ажилласан гэдгээ баримтжуулах шаардлагатай. Өмнөх ажил олгогчдын тушаал, шийдвэрүүд олдохгүй байгаа тул шүүхийн журмаар тогтоолгохоор ирүүлсэн. АНХАН ШАТ: Нэхэмжлэлийн шаардлагыг бүхэлд нь хангаж, иргэн 1988 оны 7 дугаар сарын 16-наас 1992 оны 4 дүгээр сарын 15 хүртэл Сүхбаатар аймгийн Нэгдэл дундын үйлдвэрт авто засварчнаар, 1992 оны 8 дугаар сарын 13-наас 1994 оны 6 дугаар сарын 1 хүртэл ХАА-н даатгалын компанийн Сүхбаатар аймгийн салбарт аж ахуйн сахиулаар ажиллаж байсан болохыг тогтоов.
ҮНДЭСЛЭЛ: Нэхэмжлэгчийн тайлбар, хөдөлмөрийн дэвтэр, ажлаас томилсон тушаал, шийдвэр, архив, гэрч нарын мэдүүлгээр ажилласан байдал нь тогтоогдсон. Энэхүү шийдвэр нь танилцуулан сонсгомогц хүчин төгөлдөр болно.