ХЭРГИЙН ТАНИЛЦУУЛГА: Иргэн нь талийгаачтай хамтын амьдралтай байсан болохыг тогтоолгох нэхэмжлэл гаргасан. Тэтгэвэр тогтоолгох үед малын А дансны лавлагаа нэхэмжлэгчийн нэр дээр гараагүй нь шалтгаан болсон. АНХАН ШАТ: Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.14-д заасны дагуу нэхэмжлэгчийн шаардлагыг хангах нь зүйтэй гэж үзэж, талуудыг хамтын амьдралтай байсныг тогтоов.
ҮНДЭСЛЭЛ: Хүүхдийн төрсний гэрчилгээ, архивын лавлагаа, төрөлтийн түүх, гэрэл зураг, гэрчүүдийн мэдүүлэг зэрэг нотлох баримтуудаар нэхэмжлэгч болон талийгаач нар 1991-2012 онд хамтын амьдралтай байсан нь тогтоогдсон. Иргэний хэрэг шүүхэд хянан шийдвэрлэх тухай хуулийн 6 дугаар зүйлийн 6.6-д зааснаар эрх зүйн ач холбогдол бүхий үйл явдлыг тогтооход хэлэлцэх зарчим хэрэгжихгүй бөгөөд шүүх нотлох баримтыг бүрдүүлсэн.