ХЭРГИЙН ТАНИЛЦУУЛГА: Нэхэмжлэгч нь нэхэмжлэлийн шаардлагаасаа тодорхой хэсгийг нь буюу нийгмийн даатгалын шимтгэлийн өрөөс татгалзаж, үлдсэн төлбөрийг хариуцагчтай тохиролцсон хуваарийн дагуу барагдуулахаар харилцан тохиролцож эвлэрсэн. АНХАН ШАТ: Зохигчдын эвлэрлийг баталж, хэргийг хэрэгсэхгүй болгосон. Нэхэмжлэгч байгууллага нь улсын тэмдэгтийн хураамжаас чөлөөлөгдсөн тул төлсөн хураамжийг улсын орлогод шилжүүлсэн.
ҮНДЭСЛЭЛ: Иргэний хэрэг шүүхэд хянан шийдвэрлэх тухай хуулийн дагуу зохигчдын эвлэрлийг баталж, хэргийг хэрэгсэхгүй болгох, улсын тэмдэгтийн хураамж болон хяналтын журмаар гомдол гаргах эрхгүй болохыг тодорхойлсон.