ХЭРГИЙН ТАНИЛЦУУЛГА: Нэхэмжлэгч нь талийгаачтай хамтран амьдарч байснаа тогтоолгох нэхэмжлэлийг шүүхэд гаргасан. Нэхэмжлэгч талийгаачтай 2020 оны 08 сарын 25-наас 2023 оны 01 сарын 26-ны хооронд хамтран амьдарч, хоёр хүүхэд төрүүлсэн бөгөөд гэрлэлтээ албан ёсоор батлуулаагүй байсан. Тэтгэмж тогтоолгох зорилгоор хамтын амьдралыг тогтоолгох шаардлага үүссэн. АНХАН ШАТ: Нэхэмжлэлийн шаардлагыг хангаж, нэхэмжлэгч нь талийгаачтай 2020 оны 08 сарын 25-наас 2023 оны 01 сарын 26-ны хооронд хамтын амьдралтай байсныг тогтоожээ.
ҮНДЭСЛЭЛ: Нэхэмжлэгчийн тайлбар, хүүхдүүдийн төрсний гэрчилгээ, орон нутгийн засаг захиргааны болон эрүүл мэндийн байгууллагын тодорхойлолтууд, талийгаачийн нас барсны гэрчилгээ, гэрчүүдийн мэдүүлгүүд зэрэг нотлох баримтуудаар хамтын амьдрал тогтоогдож байна.