ХЭРГИЙН ТАНИЛЦУУЛГА: Зээлийн гэрээ, төлбөр барагдуулах гэрээний үүрэгт мөнгө гаргуулах, гэрээнүүдийг хүчин төгөлдөр бус хэлцэлд тооцуулах, үндэслэлгүй хөрөнгөжсөн мөнгийг гаргуулах тухай нэхэмжлэл, сөрөг нэхэмжлэлтэй холбоотой хэрэг. АНХАН ШАТ: Зээлийн үйл ажиллагааг тусгай зөвшөөрөлгүй эрхэлсэн гэх үндэслэлээр 2013 оны 09 дүгээр сарын 02-ны өдрийн Зээлийн гэрээ, 2017 оны 01 дүгээр сарын 13-ны өдрийн Төлбөр барагдуулах гэрээг хүчин төгөлдөр бус хэлцэлд тооцож, хариуцагчаас 30,450,000 төгрөг гаргуулж, сөрөг нэхэмжлэлийн шаардлагыг хэрэгсэхгүй болгосон.
ҮНДЭСЛЭЛ: Зээлийн үйл ажиллагааг хуульд заасан тусгай зөвшөөрөлгүй явуулсан нь гэрээг хүчин төгөлдөр бус болгох үндэслэл болно. Хүчин төгөлдөр бус гэрээнээс шалтгаалан нэхэмжлэгчээс хариуцагчид шилжүүлсэн мөнгийг буцаан шаардах эрхтэй.