ХЭРГИЙН ТАНИЛЦУУЛГА: Эцэг эхээсээ тусдаа амьдарч буй охиндоо эцгээс нь хүүхдийн тэтгэлэг тогтоолгох тухай нэхэмжлэл гаргасан. Хариуцагч тал нэхэмжлэлийг хүлээн зөвшөөрч, хүүхдийг асран хамгаалахад оролцохоо илэрхийлсэн.
АНХАН ШАТ: Гэр бүлийн тухай хуулийн 34.1-д заасны дагуу охиныг эхийн асрамжид үлдээж, эцэгээс нь Гэр бүлийн тухай хуулийн 40.1.1, 40.1.2-т заасны дагуу насны ангиллаар хүүхдийн оршин суугаа газрын амьжиргааны доод түвшний 50-100 хувиар тэтгэлэг гаргуулж, эцэг эхийн үүргээ хэрэгжүүлэхэд саад учруулахгүй байхыг эхэд даалгасан.
ҮНДЭСЛЭЛ: Талууд охинтойгоо эцэг эх бололцоогоо хүлээн зөвшөөрсөн, эцэг нь хүүхдийн эцэг биш гэж маргаагүй тул захиргааны журмаар эцэг тогтоогдсон гэж үзсэн. Зохигчид хүүхдийн асрамж, тэтгэлгийн талаар маргаагүй ч хүүхдийн эрх ашгийн үүднээс шүүхээс шийдвэрлэх нь хуульд нийцнэ. Гэр бүлийн тухай хуулийн 26.1, 26.6-д заасны дагуу эцэг нь хүүхдээ тэжээн тэтгэх үүрэгтэй бөгөөд хүүхэдтэйгээ уулзах, эцгийн үүргээ хэрэгжүүлэхэд саад учруулах ёсгүй.