Тогтоол №8806

ХЭРГИЙН ТАНИЛЦУУЛГА: Г.П нь иргэн Н.Э-тэй маргалдан зодож, эрүүл мэндэд нь хөнгөн хохирол учруулсан, Н.Э нь Г.П-ийн эрүүл мэндэд хөнгөн хохирол учруулсан гэх хэргүүдэд холбогдсон. АНХАН ШАТ: Г.П-ийг цагаатгаж, Н.Э-ийг хүний эрүүл мэндэд хөнгөн хохирол учруулсан гэм буруутайд тооцож, торгох ял оногдуулсан. ДАВЖ ЗААЛДАХ ШАТ: Прокурор Г.П-ийг цагаатгасан шийтгэх тогтоолыг эс зөвшөөрч, анхан шатны шүүх хэргийн бодит байдлыг буруу тогтоож, Эрүүгийн хуулийг буруу хэрэглэсэн, хэрэг хянан шийдвэрлэх ажиллагааг ноцтой зөрчсөн гэж үзэн, анхан шатны шүүхэд буцаан хэлэлцүүлэхээр шийдвэрлэсэн.

ҮНДЭСЛЭЛ: Хохирогч, гэрч нарын мэдүүлэг, шинжээчийн дүгнэлтээс үзэхэд Г.П, Н.Э нар нь харилцан зодолдож бие биендээ гэмтэл учруулсан бөгөөд аль алин нь аргагүй хамгаалалтын шинжтэй үйлдэл хийгээгүй байна. Анхан шатны шүүх Г.П-ийн үйлдлийг аргагүй хамгаалалт гэж үзэн цагаатгасан нь үндэслэлгүй, Эрүүгийн хуулийг буруу тайлбарлан хэрэглэсэн. Хэргийн бодит байдлыг тогтоож, яллагдагчийн гэм буруутай эсэхэд хууль зүйн дүгнэлт хийх боломжтой.