ХЭРГИЙН ТАНИЛЦУУЛГА: Албан тушаалаа урвуулан ашиглаж, зам төмөр таслагч ир худалдан авалт хийхдээ хэт өндөр үнээр гэрээ байгуулж, үнийн зөрүүг завшсан хэрэг. АНХАН ШАТ: Залилах гэмт хэрэгт холбогдуулан Д.М-ийг нэг жил хорих ялаар, А.Г-ийг 600,000 төгрөгөөр торгох ялаар тус тус шийтгэж, 16,245,453 төгрөгийг хохирогч байгууллагад олгохоор шийдвэрлэсэн. ДАВЖ ЗААЛДАХ ШАТ: Анхан шатны шүүхийн шийтгэх тогтоолыг эс зөвшөөрч, шүүгдэгч Д.М болон түүний өмгөөлөгч нар хорих ялыг хөнгөрүүлж, торгох ял оногдуулах, ялыг хөнгөрүүлэх талаар гомдол гаргасан.
ҮНДЭСЛЭЛ: Гэмт хэрэг үйлдсэний дараа учруулсан хохирлыг бүрэн барагдуулсан, эрүүл мэндийн байдал зэргийг харгалзан үзэж, Д.М-ийн оногдуулсан нэг жилийн хорих ялыг хөнгөрүүлж, 3,000,000 төгрөгөөр торгох ял болгон өөрчилж, цагдан хоригдсон хоногийг хасаж, ялын хэмжээг 2,295,000 төгрөг болгон тогтоосон.